Rayraşîyayîşo dergo ke 5ê sibate de bajarê Hanau yê Almanya de ame destpêkerdene badê Frankfurt, Mainz, Darmstadtî Mannheimî, Esslingenî  û Stuttgartî Freiburg de dewam kerd.

40 ciwananê enternasyonalîstê ke tewrê çalakîye bîyî her bajarê de keyeyê kurdîstanijan rê bîyî meyman. Her roje çalakwanî zafêr bîyî.

Rayraşîyayîşo ke vizêr Freiburg de qedîya dima ra ewro rayraşîyayîş û mîtîngêk ameyî kerdene. Qijî ra pîlî kurdîstanijî dostê înan tewrê tewre çalakîye bîyî.

Mîtîng de xoverdayîşê gerîlayan ame selamkerdene ame vatene ke ê zî sey kurdan û dostanê enternasyonalîstan heta azadîya Rayberîye do meydanan de bê. Qiseykerdişan de ame waştene ke wa Almanya Tirkîya rê çekan nêroşo û ame vatene ke serrgêra komployî de hêrişê vera Garê tesaduf nîyo. Reyna sloganê vera hêrişan û xayînîye bîyî berz.

Badê qiseykerdişan Hozan Emekçî semedê gerîlayanê ke Garê de şer kenê û şexsê Rayberê Şarê Kurdî Abdullah Ocalanî semedê heme tepişteyan deyîrî vatî.