Emîne û Ferît Şenyaşar 9ê adara 2021î 658 rojan ra nata verê Edlîyeya Riha de seba merdimanê xo yê ke ameybî qetilkerdene Nobeta Edaletî gênê.

Ferît Şenyaşarî roja 658. ya nobete de binê varanî de qisey kerd û vat ke verî ke ê bêrê nobete şîyê nêweşxaneyî û doktoran vato ke ganî cade dadîya ey amelîyat biba. Şenyaşarî da zanayene ke dadîya ci zî vart ke heta ke edalet nêro caardene a do nobete ra fek vera meda.

Şenyaşarî bale ante ser ke Erdoganî Teşkîlatê Hemkarîya Îslamî de bêedaletîye ser o qisey kerdo û vat: ''Her kes bêedaletîya ke ma vînenê zaneno. Heta ke na bêedaletî çareser nêba, dewletê Îslamî û dinya nêeşkenê qala edaletî bikerê.''