Meclîsê Asayîşê Karî û Weşîya Karkeran (ÎSÎG) pare kerd ke ‘’Raporê Cînayetanê Karî yê vera Karkeranê Ciwanan’’ mabênê serranê 2013-2025î de 2728 ciwanan cînayetanê karî de dinyaya xo bedilnaya.

Goreyê raporî nê ciwanan ra 222 tenî 18 serre, 1214 tenî mabênê serranê 19-22yî de, 1292 tenî zî mabênê 23-25 serran de bîyê. Rapor de ame vatene ke 2728 ciwanan ra 284 tenî zî multecî yan zî koçber bîyê.

Mergî se ra 26 sektorê awankerdişî de, se ra 6 sektorê metalî de qewimîyayî.

Mergî tewr zaf nê şaristanan de qewimîyayî: Îstanbul, Antalya, Konya, Îzmîr, Ankara.