Tepişteyê nêweşî Zerdeşt Oduncuyî bi telefonî keyeyê xo de pare kerd ke Mudirê Zîndanê Buca yê Îzmîrî tepişteyê grevê vêşanîye tehdît kerdê.

Oduncuyî da zanayene ke hewteyê vîyarteyî de înan vera tedayan dest bi çalakîya grevê vêşanîye kerdo û naye ser o mudirî ê tehdît kerdê.

Oduncuyî vat: ‘’Gardîyanî erzenê koxûşan ser, hêrişê ma kenê. Rewşa ma hol nîya. Embazêkê ma anjîyo bibi. La bê pansumanî ame ardene zîndanî. Waştişê ma nênê caardene. Cewab zî nêdîyeno îtîrazanê ma. Rixmê tedayan zî ma do çalakîya grevî rê dewam bikerê.’’

Dadîya Oduncuyî Selma Oduncu zî ard ziwan ke sey keyeyanê tepişteyan ê qerqilîyenê û hêrişanê vera domananê xo qebul nêkenê.