Çalakîya Mayanê Şemeyî: 26 kesî ameyî destbendkerdene
Îstanbul de Meydanê Galatasarayî de çalakîya Mayanê Şemeyî ancî hetê polîsanê tirkan ra ameye astengkerdene. Polîsan hêrişê girseyî kerd û tewr tay 26 kesî destbend kerdî.
Mayanê Haştîye û aktîvîstanê heqanê merdiman hewteyê 969. de, seba ke aqîbetê merdimanê vîndîbîyayeyan bipersê ancî waşt ke ver bi Meydanê Galatasarayî şorê.
Rixmo ke Mehkemeya Qanûnê Bingeyînî bire dabî ke astengkerdişê çalakîye binpaykerdişê heqanê merdiman o, ancî polîsan bi bahaneya 'qedexeyê qeymeqamîye' çalakîye asteng kerde.
Polîsan dima hêrişê girseyî kerd û tewr tay 26 kesî destbend kerdî.
Wekîlê HEDEPî yê Îstanbulî Cengîz Çîçekî vera hêrişî nêrazîbîyayîşê xo mojna.
