Meydanê Şîşhane yê qezaya Beyogluyî yê Îstanbulî de çalakîya nobete ya vera destsernayîşê Şaredarîya Colemêrgî vizêr zî dewam kerd.  Hemvervatoxê HDKyî Cengîz Çîçek û Esengule Demîr,  MATUHAY-DER, KAYY-DER, DEDEF zî tewrê çalakîye bîyî. 

Nobete de çalakîkere Fincê Akman Denîze Poyraza ke Îzmîr de ameya qetilkerdene yad kerde. Akmane  bale ante grevê vêşanîye yê vera tecrîdê Îmraliyî ser û vat: ''Ma domananê xo yê tepişteyan ra di mengî yo xebere nêgênê. Bi serran o Birêz Abdullah Ocalanî ra xebere nêgênê. Abdullah Ocalan îradeyê ma yo. Ma tecrîdî şermezar kenê.''

Serekê DEDEFî Alî Riza Bîlîrî ard ziwan ke ê qeyûman nêşinasnenê. 

Hemsereka KAR-DEFî Zelale Ayik Degîrmencî îfade kerd ke şarê kurdî do tim est bê û vera cîyakerîyan têbigêro.  

Hemserekê KAYY-DERî Ahmet Tuzunî dîyar kerd ke ganî her kes vera destsernayîşê Şaredarîya Colemêrgî vengê xo vejo.