Şaredarîya DEM Partî ya Dêrsimî û Şaredarîya  CHPyî Pulirî rê qeyûm ame tayînkerdene. Bado ke Şaredarîya Dêrsimî ameye xespkerdene şar verê şaredarîye de ame pêser.

Barîkato ke bi seyan polîsan ke Anqara dîyayî ardene ame ronayene ame rijnayene. Şarê Dêrsimî bi sloganan vera îşxalkeran hêrsê xo ano ziwan.

Hemşaredara Dêrsimî Birsene Orhana ke wezîfeyê ci ame xespkerdene verê şarîdarîye de qisey kerd. Orhane polîsî nîşan dayî û vat: ''Nê îşxalker ê! Înan senî ke 1938 de Dêrsim îşxal kerd  ewro zî wazenê şaredarîyanê ma îşxal kenê.Bêrê ma pêro pîya têkoşîn bikerê.''

Wekîla DEM Partî ya Dêrsimî Aytne Kordu zî vat:  ''Vera îradeyê şarî şaredaryan de qeyûm ame cakerdene. Ma qeyûman qebul kenê.  Ma do çirey milê xo çewt nêkenê.''

Bado ke xoverdayîşê şarî bi gird, polîsan bi awa tazîkin, gazê îsotî û mermîyanê plastîkan hêriş kerd.

Şarî merkezê bajarî û kuçeyan de dest pê xoverdayîşî kerd û semedê xurtkerdişê têkoşînî veng da.