Emîne Şenyaşara ke ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî 46 rojî yo lajê xo Ferît Şenyaşarî reyde nobeta edaletî kena. Semedê qedexeyê tebervejîyayîşî yê hukmatê tirkî ra Şenyaşarî ewro herinda verê Edlîyeya Riha de keyeyê xo de nobete rê dewam kenê.

Keyeyî twitter de vat: ''Semedê qedexeyê tebervejîyayîşî ra ma çalakîya xo rê keye de dewam kenê. Heyeto ke vano 'Wa dosyaya nêweşxaneyî ser o bira nimite dewam bikera.' beno hemkarê sûcî. Ma ewro CIMERî rê gerreyê xo bikerê. Ya edalet yan edalet.''