Rayraşîyayîşo dergo ke bi rojan o bajaranê cîya cîyayan ê Almanya de vera Komployê15 Sibate yê vera Rayberê Şarê Kurdî Abdullah Ocalanî yeno kerdene, ewro Freiburg de dewam kerd.

Verê rayraşîyayîşî eşkerayîye ameye dayene. Çalakwananê enternasyonalîstanî ke tîya qisey kerd veng da ke wa her kes paştî bido gerîlayan ke vera faşîmzê dewleta tirke têkoşîn kenê.

Çalakwanan bado ke Stuhlinger Kirchplatzî de eşkerayîye daye pê slogananê xoverdayîşî ver bi Platz der Alten Synagoge kewtî rayîr. Çalakwanan slogan xoverdayîşê gerîlayan ê Garê selam kerd û îşxalkerî û xayînî şermezar kerdî. Dima ra mîtîngêk ame kerdene. Qiseykerdişan de bale ameye antene hêrişê îşxalî yê vera Garê ser û mesajê têkoşînê hempare ameye dayene. Mîtîng pê deyîran û govendî qedîya.

Çalakwanî do siba saete 13: 00 Stuhlinger Kirchplatz bêr têhet û badê rayraşîyayîşî çalakîya ke 5ê sibate de ameye destpêkerdene do bêro temamkerdene.