Namzeda Şaredarîya Çelê ya DEM Partî Hîvîdare Ertunç derheqê xebatanê înan ê weçînayîşan û hîleyanê îqtîdarî de ANFyî rê qisey kerd.

Hîvîdare Ertunç dîyar kerd ke AKP-MHP leşker û weçînitoxê xeyalîyî Çelê de qeyd kerdê û vat: ''Seba ma babeta tewr girînge pawitişê sindoqan o. Seba pawitişê îradeyê şarî ma do pîya wayîrê sindoqan vejîyê. Ma do şarê xo reyde têkoşîn bikerê û hişmendîya qeyûmî ra şaristanê xo bixelisnê. Ma do cewabê tewr raştî 31ê adare de sindoqan de bidê. Ma venga her kesî danê ke şoro raya xo bido.

Şarê ma dormeyê DEM Partî de bîyo yew. Çelê seba têkoşînê azadîye yê Kurdîstanî wayîra girîngîyêka tarîxî ya. Şarê ma DEM Partî sey berê çareserîye vîneno û wayîrê ci vejîyeno. Ma temsîlkarîya têdûşte pawenê. Cinîyê kurdî ma ra hêvîdar ê û ma reyde mîyanê sîyasetî de cagênê. Ma zî şarê xo çi biwazo ey esas gênê.''