Wekîlê HDPyî yê Îzmîrî Murat Çepnîyî krîzê ekonomî, tecrîdê vera Rayberê Şarê Kurdî Abdullah Ocalanî, tedaya vera HDPyî ANFyî rê ercnayî.

Çepnî îfade kerd ke koalîsyonê AKP-MHP vurîya hukmatêkê şerî û vat: ''Wexto ku AKP newe amebi vatêne pêro meseleyan hal bikero. La AKP vurîya hukmatê şerî. Destpêkî ra nata vera kurdan û HDPyî polîtîkayê hêrişkarî estê. Seba ke HDP sîyasetî ra dûrî bikerê her çi kenê. AKP-MHP wazeno prosesê darbe, jan bivurnê firsendêk. Xora ma vera naye xoverdayîşêkê pîlî kenê. Meseleya kurdan de sîyasetê şerî xeniqîyeno. Îqtîdar teber de sîyasetê şer û fethî keno. Polîtîkayê hukmatê tacîz û tecawuzkeran pawenê û xoza qetil kenÊ.

Sey HDP ma şaran rê vanê ke no qeder nîyo, ma eşkenê na rewşe bivurnê. Ma têgêrayîşê xoverdayîşî yê. Coka ma zanenê ke îrade û cesaret bidê şarê xo.

Sîyasetê şerî mehkumê vêşanîye keno. Tecrîdê Îmraliyî têna meseleya kurdan nîya, hêrişê îradeyê çareserkerdişê meseleya kurdan o.Coka têkoşînê vera tecrîdî û têkoşînê seba haştîye meseleyêka bingeyî ya pêro Tirkîya ya.

Vera tecrîdî têkoşînê ma zî do dewam bikero. Sey HDP ma seba naye amade yê. Şarê ma kampanyaya ma ya 3 mengan de mojna ke hetê HDPyî de yo. Kêmasîyê ma estê la ma do bi xebatan û rêxistinkerdişî çareser bikerê.''