Namzedê Hemşaredarîya Îstanbulî yê DEM Partî Murat Çepnîyî ANFyî rê qisey kerd.

Çepnîyî dîyar kerd ke DEM Partî adresê çareserîya meseleya kurdan o û vat: ''Normal o ke DEM Partî her ca de namzedanê xo veja û sîyaset bikera. Eqsê ney anormal  o. Sîstemê sermaye armanc keno ke bindestî nêvejîyê vernî. Coka pê qayîl nîyo ke DEM Partî namzedanê xo bimojna.''

Çepnîyî ard ziwan ke îtîfaqê demokratîkî wa nêrê redkerdene û vat: ''DEM Partî kombîyayîşêkê rayan nîya, partîya weçînayîşan nîya. DEM Partî têgêrayîşêkê azadîye yo. Ma têgêrayîşê şarî yê. Xora eke wina nêbîyayêbe ma weçînayîşan de hende netîceyî nêgirewtêne. Xebatê ma yê weçînayîşî xeylêk astan de dewam kenê. Hem asta sîyasetê pêroyî hem zî asta sîyasetê herêmîyî de ma do bixebitê. Ma do şarê xo reyde bixebitê. Darbeya qeyûman seba şiknayîşê îradeyê şarî ya. Ma do bernameyê xo yê ekolojîk, demokratîk, terefgîrê kede û şaredarîye bîyarê ziwan.''