Seba Şaredarîya Îstanbulî namzedê DEM Partî Murat Çepnî û Merale Daniş Beştaş ê. 

Murat Çepnîyî ANFyî rê qalê xebatanê weçînayîşî û armancanê înan kerd.

Murat Çepnîyî pare kerd ke kuçe û meydananê Îstanbulî de teyna afîşê di namzedan est ê la nê wird namzedî goş nêdanê meseleyanê şarî ser. Çepnîyî ard ziwan ke xîret yeno kerdene ke sereyê weçînitoxanê DEM Partî têmîyan bibo û vat: ''La qeza û taxan de şar dormeyê ma de yeno pêser û vano ke ê do raya xo bidê ma. Her ca de ma bi coşî yenê pêşwazîkerdene. Girseyê ma yê Îstanbulî qerardar o ke dormeyê namzedanê xo de kom bibo.

Îstanbul de meseleyê tewr pîlî tersê erdlerzî û qesawetê serê ameyoxî yê. Kurdê Îstanbulî seba ke çin hesibîyenê hêrsbîyaye yê. Kurdê Îstanbulî vanê 'Namzedê îqtîdar û muxalefetî nêeşkenê bi çend qiseyan ma bixapînê.' Qiseyê Ekrem Îmamogluyî yê 'Çew nêeşkeno bikewo mabênê min û kurdan' û qiseykerdişê kurdkî yê Murat Kurumî do rewşe nêvurnê. Waran de nê kerdişî yew cewabî nêvînenê. Nê çîyê manenê qiseyê 'Embazê min ê kurdî zî est ê.' Kurdî wazenê biciwîyê, bi ziwanê xo qisey bikerê, bi kulturê xo biciwîyê. Kerdişê Kurum û Îmamogluyî raştîye ra dûrî yê, dirîtî yê.''