Rêxistina DEM Partî ya Çewlîgî eşkera kerd ke înan şayîya Newroze ya ke ganî ewro biameyêne kerdene betal kerde. Eşkerayîye de ame vatene ke ê do 27ê adare de mîtîng bikerê.

Serekwekîla Grûba DEM Partî  Gulistane Kiliç Koçyigit zî tewrê eşkerayîye bîye. Hemserekê DEM Partî yê Çewlîgî Hasan Soysalî ke eşkerayîye de qisey kerd.

Soysalî ard ziwan nêzdîye warê Newroze de nêweşxaneyêk de cenazaya leşkerêkî est a û vat, ''Mudirîya Polîsan a Bajarî vat eke provokasyonêk bibo ê nêeşkenê verê ci bîgêrê.  Xora me zanê AKP semedê serkewtişê weçînayîşî her çî keno. Ma zî semedê selametê şarê xo û weçînayîşî şayîya Newroze betal kerd. Ma veng danê şarê xo ke wa 27ê adare de bi ruh û coşê Newroze tewrê mîtîngê ma bibê.''