Çewlîg de 16 kesê ke hîrê rojî verê ci qezaya Dara Hênî de ameybî destbendkerdene înan ra 7 kesî bi îdîaya “hetkarîya rêxistine” ameyî tepiştene.

Serdozgerîya Komare ya Çewlîgî derheqê 21 kesan de cipersayîş dabi destpêkerdene. Çarçeweya cipersayîşî de hîrê rojî verê ci dewanê Mîstan, Dêre û dewanê bînan ê Dara Hênî de sereştişê keyeyan de 16 kesî ameyî destbendkerdene.

Roja hîrêne ya nezaretî de dewijî sewqê edlîye bîyî û bi îdîaya “hetkarîya rêxistine” îfade da. Dadgerî 16 kesan ra 7 kesî bi waştişê tepiştişî sewqê mehkeme kerdî û 9 kesî bi şertê kontrolê edlîyî serbest veradayî.

Kesê ke ameyî tepiştene nameyê înan wina yê: Nedim Kaya, Ali Seçer, Veysel Uzan, Firat Dener, Musa Nazlica, Recep Nazlica û Hişar Nazlica.