Wekîlê DEM Partî yê Îstanbulî Cengîz Çîçekî derheqê nîqaşanê serê normalbîyayîşî, darbeya qeyûman û şerê teberê sînorî de ANFyî rê qisey kerd.

Çîçekî da zanayene ke bi operasyonanê peyênan AKPyî kurdî teberê ''normalbîyayîşî'' de verdayê û vat: ''Yeno xîretkerdene ke normalbîyayîş kurdan ra ber û bi şerê vera kurdan bêro kerdene. Şer û îşxalî seba dewamkerdişê sîstemê dewleta neteweyî ya tirke yenê kerdene. No şer budçe û ekonomî rê bi hawayêkê xirabî tesîr keno û faturaya şerî zî komel dano.''

Çîçekî ard ziwan ke rejîmê AKP-MHPyî netîceyê weçînayîşanê 31ê adare û xoverdayîşê Wanî xo rê sey xoverdayîşanê Gezî û Kobanê sey tehdîtî dîyê. Çîçekî vat: ''31ê adare de îradeyê şarê kurdî rejîmê qeyûman bin vist. Cayê sey Şirnex û Colemêrgî sînorê operasyonanê teberê welatî de yê. Coka nê şaristanî seba rejîmî zaf girîng ê. Îqtîdar naye ra wazeno nê şaristanan xesp bikero.''

Çîçekî îfade kerd ke tecrîdê vera Rayberê Şarê Kurdî Abdullah Ocalanî ewro mîyanê pêro komelî de vila bîyo  û vat: ''Tecrîdê Îmraliyî tesîrê fikrê têkoşînê hemparî yê hêzanê demokratîkan û şorişgêran zî kerd. No erey ame famkerdene. Tecrîdê Îmraliyî vilayê pêro Kurdîstan û Tirkîya bi. Nika huqûq binê kontrolê îqtîdarî de yo. Îqtîdar keno ke bi tecrîdî xoverdayîşê şarî qels bikero. Ganî ma operasyonanê 1ê Gulane, darbeya qeyûmî ya Colemêrgî û rejîmê Îmraliyî pîya biercnê û vera nînan xetêka têkoşînê hemparî awan bikerê.''