Rêxistina Partîya Herêmanê Demokratîkan (DBP) a Dîlokî Kongreya xo ya hewtine bi şîarê ''Komelê rêxistinkerdeyî reyde ver bi cuya azade'' kerde.

Hemsereka DBPyî Çîgdeme Kiliçgun Uçar kongre de qisey kerd. Çîgdeme bale ante hêrişanê dewleta tirke yê vera Başûrê Kurdîstanî ser û vat: ''Ganî kurdî vera hêrişan yewîya xo awan bikerê.''

Çîgdeme Kiliçgun Uçar vist vîrî ke Rayberê Şarê Kurdî Abdullah Ocalanî ra 41 mengî yo xeberêke nêna girewtene û vat: ''Azadîya Abdullah Ocalanî seba çareserîya meseleya kurdan elzem a. Îqtîdar hewceyê Ocalanî yo. Beranê Îmraliyî abikerê. Îqtîdarê AKP-MHPyî nuşteyê 'Pêşî Peya' ra terseno û hêrişê govend û slogananê kurdan keno. Sloganê 'Bijî Serok Apo' yew heqîqat o. Ê çend krîmînalîze bikerê zî ma do tim nê sloganî vajê.''

Nê qiseyan ser o girseyî pîya sloganê ''Bijî Serok Apo'' vat. 

Kongre de Candane Yavuzer û Mehmet Ozkan bîyî hemserekê DEM Partî yê Dîlokî.