Endama Fermandarîya Pêroyî ya YPJyî Rohilate Efrîn bi wesîleya serrgêra Komployê Mîyanneteweyîyî ANFyî rê qisey kerd.

Rohilate Efrîn pare kerd ke hêrişê Komployê Mîyanneteweyî şexsê Rayberê Şarê Kurdî Abdullah Ocalanî de vera pêro kurdan ameyo kerdene û komplogeran waşt ke nasname, têkoşîn, kultur, xoverdayîş û ziwanê kurdan çin bikerê.

Rohilate Efrîn bale ante ser ke destpêkî ra nata vera Komployê Mîyanneteweyîyî nêrazîbîyayîş, têkoşîn û çalakîyê kurdan dewam kenê. Rohilate da zanayene ke Şorişê Rojawanî bi felsefeya Abdullah Ocalanî ronîyayo û vat: ''Rayber Apoyî têkoşînê xo yê vîst serran de Rojawan de bezreyê şorişî eşt erdî. YPJyî zî bi paradîgmaya Rayber Apoyî ya azadîgîrîya cinîyan xo rêxistin kerdi pîl kerd û şer kerd. Şerê vera dewleta tirke û DAÎŞî de zî ke çimeyê xoverdayîş û têkoşînê YPJyî paradîgmaya Rayberê Şarê Kurdî ya.''

Rohilate Efrîn vist vîrî ke Rayberê Şarê Kurdî 25 serrî yo binê tecrîdêkê giranî de yo û vat: ''Komplogeran vatêne qey bi tecrîdkerdişê Rayber Apoyî têkoşînê ci biqedînê. La Rayber Apoyî bi paradîgmaya xo komplo pûç kerd.

Nika seba azadîya Rayber Apoyî cinîyî serkêşîya Hemleya 'Abdullah Ocalanî rê Azadîye, Meseleya Kurdan rê Çareserîye' kenê ke na hemle zaf girîng a. Cinîyî azadîya Rayber Apoyî de azadîya xo vînenê. Teyna şarê kurdî zî ney pêro şarî wayîrê Rayber Apoyî vejîyenê û têkoşînê seba azadîya ey sey têkoşînê xo hesibnenê.''