Koordînasyonê Dezgehan ê Êlihî banê DEM Partî yê bajarî de eşkerayîye daye. DBP,TUAY-DER, Meclîsê Dayîkanê Haştîye, TJA, Meclîsê Ciwanan, Arî-DER û xeylêk temsîlkarê xeylêk rêxistinanê komelê sîvîlî tewrê kombîyayîşî bîyî.

Eşkerayîye de nê ameyî vatene: ''Bado ke namzedê şaredarî yê DEM Partî hetê şarî ra ameyî vejîyayenê namzedê Êlihî Mehdî Oztuzunî mojnanê o îradeyê cinîyan nas nêkeno û sîstemê hemserekîye red keno. Reyna bi sebebê ke awanîyê tarîyî ê ke destê înan de gonîya bi hezaran welatperwerîyanê ma de est a, vera Êlihî, partîye û erjanê  ma hêrişê psîkolojîk bikerê.  Seba ke Mehdî Oztuzun vera partîye ma, kulturê ma yê welatperwerîye  û  îdareyê cinîyan o, tekîlîya partîya ma û dezgehanê ma pê ey nêmen, hinî eleqeya ma pê çîn a. Ma eşkera kenê ke Oztuzun hinî namzedê ma nîyo. Ma pê bawer ê ke şarê Êlihî do vera awanîyanê tarîyan dormeyê DEM Partî de bêro têhet.''