Gerîlayê PKK'yî Cemal Amedî bi wesîleyê serrgêra 20’ine ya komploya mîyanneteweyîye, tecrîdkerdişê Rayberê Şarê Kurdî Abdullah Ocalanî û xoverrodayîşê vera tecrîdî de ANF’yî rê qisey kerd.

Amedî vat, seba kesê ke wazenê bi rengêkê azadî û bi rûmet biciwîyê wezîfeyo bingeyên o yo ke serra 21’ine ya komploya mîyanneteweyîye ya vera Rayberî ya, bin bikerê.

Amedî ard vîrî ke Rayberê Şarê Kurdî Abdullah Ocalan ano ziwan ke komploye teyna vera şarê Kurdî ney, naye reyde vera şarê Tirkîya zî ameya kerdene û vat, “Azadîya şarê Kurdistanî û demokratîkbîyayîşê Tirkîya bingeyê yewîya stratejîke de ercna û bi têkoşînêkê girdî komploye pûç kerde, qels kerde, parçe kerde. Ganî na rastîye bêro vînayene.”

Gerîlayê HPG'yî Cemal Amedî ard ziwan ke, dewletêka faşîste serê dişmenî û qetilkerdişê Kurdan ra estbîyayîşê xo dewam kena, no semed ra seba cimatê xo –cimatê Tirkîye- azadperwer û demokratîk bîyayîş zî zur a,  çîyêko winayên pawitene zî rast nîyo û vat,  “Reyna êyê ke vanê ma vera fazşîzmî de yîme û vera tecrîdê Îmraliyî de bêveng ê, têkoşînê azadîya Kurdistanî reyde têkilîye xurt nêkenê, tewrê têkoşînê hemparî nêbenê, ê zereyê rewşêka nêhemgirewtî û xapênok de yê.

Amedî bale ante hemleya xoverrodayîşî ya ke bi grevê vêşanîye dest pêkerdebî ser û vat, “Wezîfeyêko tarîxî û bingehên yê roşnvîr, hêzanê demokratîk û sosyalîstanê Tirkîye yo ke na gama xoverrodayîşî ya ke vera faşîzmî ameya destpêkerdene tewrê ci bibê û hîna xurt bikerê.

Sere de birêze Leyla Guvene, xoverrodayoxanê zîndanan û çalakwananê grevê vêşanîye hemeyan silam kena û vat,  na gama şoreşgerî ya girde bi xoverrodayîş qetî do ser bikewo û hemeyan rê serkewtişî waştî.

Amedî ard ziwan ke,  rayberîya xoverrodayîşî bi slogana “Ma tecrîdî bişiknîme, faşîzmî birijnîme,  Kurdistanî azad bikerîme” yena kerdene,  dewamê xoverrodayîşê 14’ê Temmuze yo, coka zaf bimana û gird o.