Yûsûf Îba bajarê Toronto yê Kanada de seba wedaritişê tecrîdkerdişê Rayberê Şarê Kurdî Abdullah Ocalanî grevê vêşanîye yê bêdem û bêagêrayîşî de yo. Rixmo ke gonîye verişneno 101 rojî yo bi qerardarîye çalakîya xo dewam keno.

Îbayî vengdayîş bi rayapêroyî ra kerd û vat, “Şima aver de game bierzenê, ma do apey gamêk nêerzê.” Îbayo ke rîyê made ci keweno were, spazmê zerrî û sey persanê bîhngirewtişî ra 9 reyî ame berdene bi nêweşxaneyî, labelê tedawî qebûl nêkerd, 2 rojî verê cû hişê ci şi û gonîye verişnaye. Îba nêeşkeno çîyêk bişimo û seba ke masûlkeyê ey helîyenê nêeşkeno rayra şiro. Îba encax bi hetkarîya çogane û hevalanê xo werizîno payan ser û êdî nêeşkeno şiro nêweşxane zî. Îbayî da zanayene ke, ey û hevalanê ci wexto ke dest bi çalakîye kerdo soz dayo xo û şarê xo û vat,”Netîceyê na çalakîye seba ma çi beno  wa bibo, ganî tecrîdê serê Serek Apoyî qetî bêro wedaritene û seba ey rayîrê azadîye bêro akerdene. Wexto  tewr giran de her ke ma Serek Apoyî fikirînê û ma bi îdeojîyê ey xo weyê kenê, xoverdayîş û hêvîya ma gird bena.”

Îbayî bale ante serê hêrişanê reşîmê AKP-MHP'yî yê Gebze û Qoserî yê vera dayîkan û vat, “Vera nê barbaran çîyo ke ganî bêro kerdene xoverdayîş o. Çiqas dişmen ame ma ser de, ma ganî cewab bidê dişmenî û bi hêzo ke ma Serek Apoyî ra girewto wextê pankerdişê dişmenî nîyo gelo?  Eke ma ewro bêveng bimanê,  o wext manaya vatişê ‘Bê Serek cuye nêbena’ nêmendo. Êdî wext wextê ê vatiş û girewteyanê hepsixaneyan ra wayîrvejîyayîşî yo.”