Îdîaname Ajansê Anadolu ra bigêrê dozgerîye ra nê
Îdîanameyo ke qefilnayîşê HDPyî ser o ame akerdene, verî ke bireso destê HDPyî Ajansê Anadolu (AA) yê dewleta tirke de weşanîya. Îdîaname pê bahaneya 'hema nêameyo qebulkerdene' nêresabi destê HDPyî.
AA pare kerd ke îdîanameyê qefilnayîşê HDPyî de derheqê 600 kesan de qedexeyê sîyasetî yeno waştene. Serdozgerê Komare Bekîr Şahînî vizêr pê waştişê qefilnayîşê HDPyî Mehkemeya Qanûnê Bingeyî de dewa akerde.
Îdîaname pê îdîaya ''Endamê HDPyî pê vatiş û çalakîyanê xo çinkerdişê yewîya şarî û dewlete' armanc kenê' ame amadekerdene û Mehkemeya Berze rê erşawîyaye. Semedê 'hema nêame tesdîqkerdene' HDPyî rê nêerşawîya. La AA de weşanîya.
AA xebera xo de da zanayene ke Mehkemeya Qanûnê Bingeyî eşkena qasê 5 serran cezaya sîyasetnêkerdişî bida endam, îdarekar û wezîfedaranê partî.
