Namzeda Şaredarîya Îdirî ya DEM Partî Necla Kum 1980 de Îdir de dadîya xo ra bîya. Aye 2020 de Hemserekîya HDPyî ya Îdirî kerde. 

Necla Kum ANFyî rê qisey kerd û îfade kerd ke ê xo ancî bi xizmetanê xo şaredarîye bikerê yê şarî.

Necla dîyar kerd ke ê hişmendîya erkê şarî gênê xo ser û mesuldarîya xo do bîyarê ca. Necla vat: ''Ma soz danê ke seba ke erkanê xo bîyarê a bi pêroyê hêzê xo bixebitê. Nê weçînayîşanê gulane de ma dî ke şarê ma çendek qîmet dano kede. Şarê ma her ca de bi kêfweşî ma pêşwazî keno. Ma do şaredarîya xo apey bigêrê û ancî bi xizmetanê xo şaredarîye bikerê yê şarî.

Berê ma heta peynî şarê ma rê akerde yê. Ma do pêro xebatanê xo de zelal bibê. Ma do rayîr nêdê rantî. Projeyê ma bi temamî seba aw û hewayê pakîyî bibê, ma do rayîranê Îdirî virazê.''

Necla bale ante parafîgmaya azadîya cinîyan û ard ziwan ke ê do giranîye bidê xebatanê cinîyan ser. Necla vat: ''Ma do bi pêro hêzê xo hetkarîya cinîyan bikerê, hêzê xo yê xoserî bimojnê, xo bi rehetî îfade bikerê û rêxistin bikerê.''