ÎHD: Rewşa Ozbeke û Eyleme Oyunlu hol nîya

ÎHDyî Maya Haştîye Makbule Ozbek û Eyleme Oyunlu zîyaret kerd ke sey esîr yenê tepiştene. ÎHDyî bale ante rewşa înan ser û vat cuya înan binê rîskî de ya.

Komîsyonê Huqûqî yê Şubeyê Amedî yê Komeleya Heqanê Merdiman (ÎHD) Zîndanê Amedî de Maya Haştîye Makbule Ozbek û Eyleme Oyunlu zîyaret kerdî. Eyleme Oyunlu 2 domananê xo reyde zîndan de manena.

Komîsyonî dima eşkerayîye daye û ard ziwan ke rewşa weşîye ya Ozbeke giranêr a, damarê dergûşa yew aşme ya Eyleme pêro girewte yê û çimê degûşe ra rim hêsîrî yenê war. Domana 2 serre zî nêweşa bronşîtî ya.

Komîsyonî vat rewşa Maya Haştîye Makbule Ozbek zîndan de bîya giranêr û 7ê temmuze de wedarîyaye revîr. 

Komîsyonî da zanayene ke Eyleme Oyunlu wextê lohusa de ya û tede meseleyê psîkolojîkî peyda bîyê.

Komîsyon waşt ke wird tepişteyî zî cade bêrê veradayene.