Ramazan Îldem temmuza 1993yî de qezaya Qoserî ya Mêrdînî de amebi tepiştene. Îldemo ke 30 serrî zîndan de mendo ganî menga temmuze de vera bidîyayêne la înfazê ci hetê Heyetê Çimdarîye û Îdareyê Zîndanî (IGK) ra amebi vêşnayene. Îldem vizêr Zîndanê Bafra ra vera dîya. Îldem dima şi Îstanbul û serê sibayî zî şi Mêrdînî.

Îldem hetê TUHAY-DER, Wekîla Partîya Çep a Keske ya Mêrdînî Bêrîtane Guneş, HDP, DBPyî ra Meydanê Teyarayan ê Mêrdînî de ame pêşwazîkerdene. 

Îldemî vat: ''Ma her roje xo hîna zaf rêxistin bikerê. Ma yewîya xo awan bikerê. Teber û zîndanan de zulm est o. Embazê ma wexto ke şinê nêweşxaneyî neçare manenê ke bê solî bimanê. Ma pêroyînan zî sey Rayberê xo binê tecrîdî de yê. Seba ney zî ma komelê xo, rêxistinîya xo, têkoşînê xo aver berê û pêro karê xo bikerê.''

Îldem dima heyetî reyde şi hetê dadîya xo, Qoserî.