Zîndanan de wextêkî ra nata Heyetê Çimdarîye û Îdareyî (CIK) vera tepişteyanê sîyasîyan tewirêko 'dişmenwarî' mojnenê. CIK bi hawayêkê sîstematîkî raporanê negatîfan dano û tehlîyeyê tepişteyan asteng keno.

Zîndanê Bafra yê Samsûnî de zî înfazê tepişteyanê bi nameyê Îlyas Peldekî û Abdulhaluk Ozerkî pê bahaneyan ameyî xeripnayene. Dîya zanayene ke pê bahaneyanê ''beşdarê aktîvîteyanê zîndanî nêbenê û goreyê qayîdeyanê zîndanî tênêgêrenê'' înfazê wird tepişteyan ame xeripnayene.

Peldek dewaya bi îdîaya 'endamîya rêxistinîye' ra cezaya zîndanî ya 6 serran û 3 mengan girewtbî. Peldek rixmo ke înfazê xo qedînayo mengêk a vera nêdîyeno.

Ozerkî zî cezaya 13 serran û 4 mengan girewtbî û ganî 2 hewteyî verî biameyêne veradayene.