Înîsîyatîfê Şarî yê Kurdîstanî derheqê xespkerdişê îradeyê şarê Wanî de eşkerayîye daye û nê vatî:

 ''Şarê ma weçînayîşê 31ê adara 2024î de Vakurê Kurdîstanî û Tirkîya de reyna îradeyê xo mojna ra û serekwtişo tarîxî fîna dest. Şarê ma weçînayîşan de vera qeyûman, îqtîdarê qirkerî û tecrîdê serê Rayber Apoyî tewirê xo zelal mona ra. Îqtîdarê faşîstî bi xîleyan sere de Şirnex, Beslîd û Qers de bi desan bajar û qezayann de mudaxale kerd. Îtîdarê faşîstî bi des hezaran leşker û polîsê xo kiriştî bajaranê Kurdîstanî. Şarê ma wextê weçînayîşî de zî xîleyê înan dîyî, teşhîr kerdî û bi vatişê 'Dizd est o, vaje ti kamî' nêrazîbîyayîşê xo mojna ra.

Serkewtişo tewr pîl zî Wan de ame girewtene ke merkez û heme qezayan de DEM Partî ser kewt. Îqtîdarê AKP-MHPyî ke naye rê tehemul nêkeno, keno bi komployî îradeyê şarê Wanî xesp bikero. Keno ke heqê Abdulah Zeydanî yo ke sey Hemşaredarê Bajarê Pîlî ame weçînayene, destê ci ra bigerê. Rixmo ke namzedîya Zeydanî hetê Heyetê Weçînayîşî yê Berzî ra ame qebulkerdene û heme prosedurî ameyî caardene, 29ê adare de gama ke 5 deqeyî mende ke daîreyê fermî bêrê qefilnayene  bi cehdkerdişê Wezîrîya Edaletî lezabez mehkeme ameye ronayene û heqê Abdullah Zeydanî destê ci ra ameyî girewtene. Bi nê kayê tîyatroyî yeno waştene ke îradeyê şarî bêro xespkerdene. Sere de Kurdîstan ganî heme hêzê demokrasîyî sey mîlyonan vejîyê meydanan û heta netîcegirewtişî meydanan cameverdê. Roje roja yewbîyayîş û pawitişê îradeyî ya.''