Înîsîyatîfê Domananê Adirî pê eşkerayîyêke da zanayene ke hêzanê înan şaristananê Adirî, Mersîn, Aydin û Îstanbul de tay cayî vêşnayî.

Eşkerayîya Înîsîyatîfî de ame vatene ke 24ê gulane de qezaya Sîlîfke ya Mersînî de hêzanê înan cayê 300 doniman ê Kargehê Kaxidan ê Seka vêşna. 25ê gulane de zî qezaya Germencîkî ya Aydinî de depoyêkê faşîstan û qezaya Esenyurtî yê Îstanbulî de zî cayo ke polîsan sey îşkencexane xebitnayêne û hetê nobetdaranê AKPyî ameyêne pawitene vêşnayî.