Mabênê rayîrê Awbendê Tişrînî û bajarekê Sirînî de, vizêr saete 15.20 de hêrişê droneyê çekdarî yê dewleta tirke de kedkarê çapemenîya azade Nazim Daştan û Cîhane Bîlgîn şehîd bîyî.

Înîsîyatîfê Rojnamegeranê Kurdan derheqê babete de eşkerayîyêke daye û di rojnamegerî yad kerdî.

Eşkerayîye de dîya zanayene ke dewleta tirke ya îşxalkere raştîyan ra û vilabîyayîşê raştîyan ra tersena coka tim rojnamegeran kena hedef. Eşkerayîye de ame parekerdene ke wird rojnamegeran tim bi qelema xo raştîyî resnayê şarî û Rojawanê Kurdîstanî de ê bîyê eynîyê raştîye.

Înîsîyatîfî vat: ''Dewleta îşxalkere ke raştîyan ra tersena, nêeşkaye bi qirkerdişan raştîyan binimna. Ma hêrsbîyaye û xemgîn ê. Nazim û Cîhane şehîdê raştîye yê. Ê şehîdê çapemenîya azade yê. Ma do armancanê înan bîyarê ca, wayîrê mîrasê embazanê xo vejîyê.

Ma venga pêro dezgeh û rêxistinanê çapemenîye danê ke vera hêrişanê barbaran ê dewleta tirke têbigêrê. Dewleta tirke huqûqî binpay kena, hêrişê rojnamegeran kena. Ma sey embazanê Nazimî û Cîhane wazenê ke dewleta tirke wa bêra muhakemekerdene û cezakerdene.''