Tepiteyo nêweş Sabrî kaya roja ke qerarê tehlîyeya ci ame dayene Nêweşxaneyê  Balcali yê Fekulteya Tibî ya Unîversîteya Çukurova de dinyaya xo bedilnaye.

Kayayo ke zerrîya ci se de 25 xebityayêne 25ê adare de krîzê zerrî û gonîbîyayîşê mezgî ravêrnabi. Kaya 3 rey gerîya serwîsa ciewnîyayîşê giranî û bi vatişê ''rewşa ey hol a'' nêweşxane ra gerîya û peyser şawîya zîndanî. 20ê gulane de Nêweşxaneyê Dewlete yê Osmanîye raporê ''nêeşkeno zîndan de bimano'' dabi û dima ra Kaya sewqê Nêweşxaneyê  Balcali yê Fekulteya Tibî ya Unîversîteya Çukurova bi. Badê raporî Serdozgerîya Komare ya Osmanîye vizêr qerarê tehlîyeya ey da.

Kaya roja ke ame tehlîyekerdene dinyaya xo bedilnaye. Kayayî 6ê gulane de bi rayîrê telefonî keyeyî xo de qisey kerd û vat ''hînî hêzê mi nêmed ez do bimerî.''