Merdimanê tepişteyan  seba ke bale biancê rewşa xirabe ya zîndanan ser, waşt Meydanê Esenyurtî yê Îstanbulî Nobeta Edaletî bitepişê la polîsanê tirkan verê înan girewt.

Dayîkê ke pîya bi wekîlanê HDPyî waşt banê qeza ra ver bi meydanî rayra şirê hetê polîsan ra gerîyayî binê ablûqa. Polîsan bi derbkerdişî xebatkarê çapemenîye warê çalakîye ra vetî teber. Wekîlan vera nê caardişê keyfîyî nêrazîbîyayîş mojna. Wekîlê HDPyî yê Wanî Murat Sarisaçî vat: ''Eke mafya bibênî şima gucakê xo qefilnayêne la di dayîkê ke tutanê xo pawenê ra tersenê. Se serrî yo şima nê şarî nê îşkenceyî kenê, heta ewro nê şari qet peyser gamêke eşte! Nê hêzê xo vera mafya, dizdan bişuxulnê.''

 Rixmê heme astengîyan şar pîya bi wekîlan bi slogana ''Biciwîyo xoverdayîşê zîndanan'' rayra şi.