Keyeyanê Riza Altun û Alî Haydar Kaytdanî semedê tewrbîyayîşê tezîye, vîrameyîş û çalakîyan spas kerd û nê vatî:

''Xebera şehadetê Alî Haydar Kaytan û Riza Altunî têna semedê ma keyeyan nê semedê heme kurdan ke estbîyayîş û azadîya xo wazenê, vîndîkerdişo pîl bi. Çunke înan herinda keyeyî de welatê xo vîjna, bira, lajî ra zafêr bîyî hemra. Coka dejê ma kolektîf o. Ma sey keyeyanê înan nameyê înan bi anorî sereberz kirişenê.

Înan ra ma rê mîraso xurt û erjîyaye mend. Bawerîya ameyoxê azadî. Qamişloyî ra heta Silmanî, Amedî ra heta Torontoyî û heta Kolnî bi des hezaran kurdî wayîrê serkêşanê xo vejîyayî. Vera şarê ma qala ke ma vajê çîn a. Ma reyna vanê ke deynê milê ma yo ke ma rayraşîyayîşê înan bi serkewtişî tacîdar bikerê.

Ma sere de keyeyanê şehîdan, kedkaranê têgêrayîşê azadîye û her keso ke rayîrê înan de rayra şino û ma rê beno nefes ma spas kenê. Ma sey keye û hemrayanê înan soz danê ke ma do têkoşînê înan bidê domnayene. Ma do Rayber Apo, şehîdan û erjanê xo yê azadîye rê girêdaye rayra şirê.

Şehid Namirin!"