Rêxistina HEDEPî ya Îstanbulî ya ke çend rojî verî kongreya xo ya îstîsnayîye ya diyîne kerdbî, goreyê rexneyanê şarî dest pê amadekarîya weçînayîşanê herêmîyan kerd. Hemserekanê HEDEPî yê Îstanbulî Gonca Yangoz û Murat Kalmazî derheqê babete de ANFyî rê qisey kerd.

Gonca Yangoz da zanayene ke înan hêverî rexneyê cinîyan girewtê û vat: ''Ma kêmasîyê xo dîyî. Ma dî ke seba ke rêxistinîya ma kêm manena hêrişê vera cinîyan zêdîyena. Ma do rêxistinîya cinîyan xurtêr bikerê, vengê cinîyan berz bikerê. Prosesê verê ma de ma do veng û rengê cinîyan hîna zaf bimojnê.''

Kalmazî zî ard ziwan ke ê sey partîyêke rexneyanê şarî ra hêz gênê û vat: ''Ma rexneyê ercîyayeyî girewtî û goreyê nê rexneyan ma do şikl bidê prosesê weçînayîşanê herêmîyan. Ma kongreya xo de gama verêne eşte. Ma do prosesê weçînayîşanê herêmîyan de bibê vengê şaran û kurdan. Ma do keye bi keyeyî bigêrê û fikranê şarê xo bigêrê. Îstanbul şaristanêko winayên o ke tewr zaf tede kurdî est ê. Coka kurdî eşkenê Îstanbul de morê xo bidê binê weçînayîşan. Ma do seba ke armancanê şarê xo bîyarê ca polîtîkayanê xo yê weçînayîşî bi eqlî bîyarê ca.''