Karkeran waşt ke pê şîarê '1ê Gulane nêno qedexekerdene' Meydanê Ogurlukî yê Bakirkoyî de eşkerayîyêke bikerê. Polîsan hêrişê karkeran kerd û xeylêk karkerî destbend kerdî.

Polîsan çalakîye ra saetî verî meydan girewt binê ablûqa. Wekîlê HDPyî Musa Pîroglu, Hemsereka HDPyî ya Bakirkoyî Yonca Yongoz, Sereka TOPî Perîhane Koca, Vervatoxa SODAPî Sevtape Akdag û îdarekarê sendîkayan zî tewrê çalakîyî bîyî.

Polîs destûr nêda karkerî eşkerayîye bikerê û qedexeyê qeymeqamîye sey bahane mojna. Polîsan hêrişê karkeran kerd û xeylêk karkerî destbend kerdî. Polîsan kedkarê çapemenîye zî pê zorî meydanî ra vetî.

Polîsan dormeyê Musa Pîrogluyî girewt û nêverda çapemenîye nêzdîyê ci biba.

Avûkatan ra Tamer Dogano ke ANFyî rê qisey kerd vat nizdê 40 kesanê ke ameyî destbedkerdene pê kelemçeyî peykî û îşkencekerdişî semedê kotrolê weşîye ameyî berdene Neweşxaneyê Dewlete yê Bayrampaşayî.