Polîsanê tirkan serê sibayî Îstanbul û qezayanê ci de eşt keyeyan ser.

Qezaya Esenyurtî de Hemsereka MATUHAYDERî Esîne Çelîk û muxabîra Şûjine Vîldane Atmaca û endamê HDPyî zî tede 9 kesî ameyî destbendkerdene. Dîya zanayene ke Atmanca xeberanê xo ra sebeb ameye destbendkerdene.

Nameyê destbendkerdeyanê bînan wina yê: Endama Meclîsê partîye yê HDPyî Çîçeke Ariç, îdarekarê HDPyî yê Esenyurtî Çayan Yilmaz, Murat Turgut, Taner Karataş, Metîn Burukanli, Abdullah Arinan, Kiyasettin Kurt û Selamî Yaman.  Bire dîyaye ke avûkatî do nêeşkê 24 saetan muwekîlanê xo bivînê.

Mîyanê 48 saetan de serrgêra Komployê 15ê Sibate de bi desan merdimî ameyî destbendkerdene.  Nê rojan de Amed de 27, Adana de 14, Mersîn de 43, Şirnex de 6, Agirî de 6, Sêrt de 8, Êlih de 2, Manîsa de 4, Îzmîr de 4, Wan de zî 24 kesî ameyî destbenkerdene.