Îstanbul de Hêzanê Kede, Haştîye  û Demokrasîyî vera xespkerdişê Şaredarîya Colemêrgî Meydanê Şîşhaneyî yê Beyogluyî  de eşkerayîya çapemenîye daye.

Eşkerayîye de paştî dîyaye endamanê meclîsî ke qeyûm red kerd û mîyanê xo ra serekwekîle vîjnaye û veng dîya ke  vera AKP-MHPyî ke îradeyê şarî xesp kerd wa cepheyê têkoşînê şaran bêro ronayene.

Badê eşkerayîye serkêşîya Hêzanê Kede, Haştîye û Demokrasîyî de vera xespkerdişê îradeyê şarê kurdî ''Nobeta Edaletî'' dîyaye destpêkerdene.

Çalakwanan bi slogananê ''Roje do bêro dewr bibedilîyo, AKP do hesab bido şarî'', ''Bijî berxwedana Colemêrg'' vera xespêkerdişê îradeyê şarî hêrsê xo ard ziwan.

Çalakîye de kursoyo serbest ame ronayene. Kesanê ke kursu de qisey kerd vera xespî mesajê têkoşînê hemparî dayî.

Çalakîya nobete do her roje mabênê saetanê 19.00 û 22.00 de Meydanê Şîşhaneyî de bêro kerdene.