Îstanbul de hêzanê Demokrasîyî vera destsernayîşê îradeyê Colemêrgî mîtîng organîze kerd. Verê mîtîngî rayraşîyayîş ame kerdene. Rayraşîyayîş de pankartê ''Ma 1995î ra heta 1999î çok nêda, ma do çok nêde'' ame kiriştene.
Hêzanê Kede, Haştîye û Demokrasîyî vera destsernayîşê Şaredarîya Colemêrgî Meydanê Kartalî de bi şîarê ''Ma semedê kede û azadîya xo destûr nêdanê qeyûmî'' mîtîng organîze kerd. Verê rayraşîyayîşî şar bi kortejan rayraşîyîş kerd û wina kewt warê mîtîngî .
Kortej de bi pankartê ''Ma 1995î ra heta 1999î çok nêda, ma do çok nêde'' bale ameye antene tarîxê îdamkerdişê Şêx Seîdî û tarîxê ke cezaya îdamî dîyayî Rayberê Şarê Kurdî Abdullah Ocalanî ser.
Kortej de Hemşaredara Colemêrgî Vîyane Tekçe, Vervatoxê HDKyî Esengule Demir û Cengîz Çîçek, wekîlê DEM Partî zî vernî de cayê xo girewt. Xeylêk temsîlkarê partîyanê sîyasîyan, sendîka, komele, dezgeh û rêxistinanê komelê demokratîkî tewrê rayaşîyîşî bîyî bi sloganan vera qeyûmî hêrsê xo ard ziwan.
Rayraşîyayîş de sloganê sey “Bijî berxwedana Colemêrg”, “Jin jiyan azadî” , “Her ca Colemêrg her ca têkoşîn”, “Bijî berxwedana zindana”, “Zextî nêeşkenê verê ma bîgrê ” ameyî vatene.
Aktîvîstê TJA û endamê Meclîsê Cinîyan ê DEM Partî zî bi pankartanê xo û sloganaê “Jin jiyan azadî” û "Bijî tekoşîna jinan" rayraşîyîş de cayê xo girewt.
Wextê dekewtişê warê mîtîngî de sloganê sey “Bijî Serok Apo”, “Bê Serok jiyan nabe” ameyî vatene.
