Îstanbul de sereştişê keyeyan de 5 endamê Meclîsê Ciwanan ê HDPyî ameyî tepiştene. Esenyurtê Îstanbulî de 1ê temmuze de polîsan eştbi keyeyan ser û 9 endamê Meclîsê Ciwanan ê HDPyî dest bend kerdbî. Dima ke ciwanî vejîyayî mehkeme verî, înan ra 5 kesî ameyî tepiştene û 4 ciwanî zî pê şertê kontrolê edlîyî ameyî veradayene.

Riha de zî sereştişê keyeyan de Endamê Meclîsê DBPyî Bekîr Karageçîlî, Hemserekê HDPyî yê Wêranşarî Hidir Oktayî û îdarekarê qeza Îhsak Gunduz ameyî destbendkerdene. Endama Meclîsê HDPyî Sema Aîşeogluya ke derheqê ci de bira destbendkerdişî estbî, seba ke keye de nêbîye, nêameye destbendkerdene.

3 sîyasetmedarî ameyî berdene bi Mudirîya Asayîşî ra Riha.