Newroza Îstanbulî bi coşî dewam kena.

Aktîvîsta TJA Gultane Kişanak şayîye de qisey kerd. Gultane Kişanak bale ante vengdayîşê Haştîye û Komelê Demokratîkî yê Rayber Apoyî ser û vat: ‘’Seba ke birêz Ocalan nê prosesî bi rindî îdare bikero ganî azad bibo. Ganî hinî Anqara bi gamanê zelalan cewabê vengdayîşî bida.’’

Wekîla DEM Partî Kezbane Konukçu ard ziwan ke ê do têkoşînê xo de qetî ser bikewê.

Hemvervatoxê HDKyî Alî Kenanogluyî vera qiseyanê nîjadperestan ê Şaredarê Anqara Mansur Yavaşî nêrazîbîyayîşê xo mojna û vat: ‘’Ma zî Saraçhane de bîyî. La wexto ke ma zulm dî to ra veng nêvejîya.’’

Hemserekê DEM Partî Tuncer Bakirhanî zî xîtabê girseyî kerd û vat: ‘’Na Newroze tarîxî ya. Vera sîstemê tekperestî Birêz Ocalanî raştîye awan kerde. Ganî dewlete û îqtîdar peyê dek û dolaban ra nêgêrê û cewan bidê nê vengdayîşî. 2025î do biba serra vurîyayî. Têkoşînê ma do bêmabên dewam bikero. Ganî îqtîdar zî nê îradeyî rê hûrmet bikero.

Hetê bînî ra Serekê Pêroyî yê CHPyî Ozgur Ozelî zî mesaj şawit Newroza Îstanbulî û vat: ‘’Ma yew şar ê. Ma haştîye, têdûştîye û azadîye wazenê. Ma do nêzdî de pîya govenda azadîye bigêrê.’’