Îşxalkerî pê çekanê kîmyewîyan hêriş kenê
Artêşa tirke ya îşxalkere mewzîyê xoverdayîşê gerîlayan ê herêma Çemçoyî 14 reyî pê çekanê kîmyewîyan dayî bombayan ver û rayêke zî bombayê qedexeyî şuxulnayî.
Merkezê Îrtîbatî û Çapemenîye yê HPGyî derheqê hêrişanê îşxalkeran de eşkerayîyêke daye. Eşkerayîye wina ya:
''29ê kanûne de mewzîyê xoverdayîşî yê gerîlayan ê herêma Çemçoyî ya bajarekê Şêladizê ya Amedîyê serê sibayî ra heta şanî 14 reyî pê çekanê kîmyewîyan ameyî pirodayene. Îşxalkeran rayêke zî pê bombayanê qedexeyan da herême ro. Reyna mewzîyê xoverdayîşî yê gerîlayan ê herêma Çemçoyî ya bajarekê Şêladizê ya Amedîyê pê obus, tanq û çekanê giranan zî ameyî bombardumankerdene.''
