Îtîfaqê Dêrsimî ke Partîya Demokrasîyî û Têdûştîye ya Şaran (DEM Partî), Partîya Kede (EMEP), Partîya Karkeran a Tirkîya (TİP), Federasyonê Meclîsanê Sosyalîstan (SMF), Cepheyê Azadîye û Kede (EOC) û Partîzan tede ca genê 22 madeyan ra vilaweka weçînayîşî eşkera kerde.

Kombîyayîşê çapemenîye buroyê weçînayîşî yê DEM Partî de ame kerdene. Namzedê Şaredarîya Dêrsimî Bîrsene Orhan û Cevdet Konak û pabesteyê îtîfqaî tewrê kobîyayîşî bîyî.Vilaweke hetê Birsene Orhan û Cevdet Konakî ra ameye wendene.

Dima ra Yewîya Îdareyê Eşteyê Huşkî ya ke hetê şaredarîyanê Pîlemûriye, Qisle, Pulur, Mêzgêr, Xozat , Pêrtag, Çemîşgezekî ra ame ronayene derheqê Tesîsê Eşteyê Huşkî de tewirê xo eşkera kerd.

Cedet Konakî ke derheqê babete qisey kerd ard ziwan ke îxaleyê projeyî ame kerdene û vat heweceyê Dêrsimî pê ci est o. Konakî nê vatî: ''Bajar ganî 'waranê depoyanê wehşîyan' ra bêro xelisnayene. La dewijê na dewe 2022yî ra dima razî nîyê.  Ma berpirsîyarîya xo ya semedê erjanê tarîxîyan û gananê xo yê ûcayî zanê. Ma wina yew merhale de yê ke dewijî razî nîyê û ma raştîya projeyî qebul kenê. Ma sey îtîfaqê Dêrsimî vanê ke wa no projê nê warî de nêro kerdene û paştî danê waştşanê demokratîkan ê şarê xo.'2

Konakî vat badê weçînayîşê 31ê adare ê de wina bigureyê ke proje bikirişîyo warê bînî, cayêk de bêro kerdene ke zirar medo cografyaya Dêrsimî.