Platformê Aysele Tugluk û Tepişteyanê Nêweşan rê Azadîye seba ke bale biancê rewşa tepitşeyanê nêweşan ser Îzmîr de eşkerayîya çapemenîye kerde. Eşkerayîye de mektûbo ke do Wezîrîya Edaletî rê bêro şawitene ame wendene.

Mektûb de nê ameyî vatene: ''Welat de her hetî ra krîzê xorî estê. Nê prosesî de çîyo ke tewr zaf ganê ma vêşneno ra yew zî rewşa zîndanan a. Zîndanan de binpaykerdişê heqan her roje zêdîyenê û tepişteyî mergî rî bi rî yê. Ma wazenê bibê vengê tepişeyanê nêweşan ke binê îşkence de yê. Wa selahîyetdarî û rayapêroyîye vengê tepişteyan bieşnawê.

 Zîndanan de vera tepişteyan îşkence yeno kerdene.Tepişteyî vêşan yenê verdayene, koguşî goreyê hûmara ci dilab-hîrlab zafêr yenê pirkerdene, malzemeyê pakkerdişî nêno dayene ke no verê nêweşîye akeno, fîyatê kantînî zaf yenê vaykerdene, bi bahaneyê krîzî tepişeyan ra fatûrayê ceyranî yenê girewtene, cayê hewagirewtişî yenê qefilnayene, aktîvîteyî têhetameyîşî yenê qedexekerdene, wextê pêvînayîşî nêm saete rê ameyo wardayene, kitab û rojnameyî yenê astenkgkerdene, cigêrayîşê rûtî yenê kerdene û çimeyanê sungerinan de yenê tepiştene, cezayê hucreyan yenê dayene, pê eynî lapikî fekê zafê tepiteyan yenê kontrolkerdene, êyê ke qanûnê pîşmanîye red kenê înfazê înan yenê vêşnayene.''

Eşkerayîye de ame vengdayene ke hema ke yewna cenaza zîndanî ra nêvejîyaya wa her kes destê xo wîjdanê xo sera no û nê zulmî rê vajê bes o û tewrê kampanyaya îmzayan bibo.