Serkêşîya Merkezê Komelê Demokratîkî yê Ahmet Kayayî de paytextê Fransa Paris de şarê Fransa rê qalê felsefe û fikranê Rayberê Şarê Kurdî Adbullah Ocalanî amey kerdene.

Hêverî eşkerayîya çapemenîye ameye dayene. Hemsereka KCDK-E Zubeyde Zumrut, Endamê Konseya KCDK-E Murat Ceylan, Hemserekê CDK-Fyî Şahîn Polat, Hemserekê Meclîsê Şarî yê Demokratîkî Ahmet Kayayî Azad Dogan û Vervatoxê Komîteya Çalakîyan ê Vakurê Fransa Abdullah Olmez beşdarê eşkerayîye bîyî.

Eşkerayîye de ame vîrvistene ke Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' kewta safhaya diyîne û ganî hemle bêra pîlkerdene.

Dima şar û esnafan rê kartpostalê bi qiseyanê Abdullah Ocalanî û qeranfîlî ameyî vilakerdene. Şar û esnafan eleqeyêko pîl mojna çalakîkeran.