Qezaya Kerboranî ya Mêrdînî de şaredarîye rê 2016 ra nata qeyûmî ameyêne tayînkerdene. Weçînayîşanê 31ê adare de DEM Partî şaredarîye qezenç kerde. Hemşaredara Kerboranî Asya Gezer ANFyî rê qalê serkewtişê Kerbotanî kerd.

Asya Gezer îfade kerd ke Kerboran de nê 8 serran de bi destê qeyûman teda û zorbazîyî zêdîyayê û vat: ''Kerboran de her rayîr de noqtaya asayîşî est a, her ca bi kamerayan yeno teqîbkerdene. Bi nê hawayî çimê şarî ameyêne tersnayene. Şarî ma rê vat ke 8 serran ra dima eşkayo bikewo bînaya şaredarîye. Şarê ma destpêkî ra nata wayîrê namzedanê xo vejîya. Ma her ca ra gêrayî. Şarî tim bi hûrmetî ma pêşwazî kerdî. Kerboran bi wayîrvejîyayîşê xo her cayî rê bi nimûne.''

Asya Gezer ard ziwan ke Kerboran de zaf meseleyî est ê ke ganî cade bêrê çareserkerdene û vat: ''Meseleya awe girîng a. Ciwanê ma ya şinê metropolan ya zî şinê teberê welatî. Ganî ma verê ney bigêrê. Hetê bînî ra ma wina plan kenê ke sûk de seba cinîyan ê esnafan dikanan abikerê. Ancî ma do giranîye bidê xebatanê huner, kultur û ziwanî.''