Qezaya Samandagî ya Hatayî ke sey xeylêk cayanê bînan şarê ci qederê ci rê ameyo caverdayene vat rixmo ke 15 rojî erdlerzî ra dima ravêrtî hema zî problemê xeyman û awe nêameyî çareserkerdene. Qezaya ke tede cuye vindeto de şaro ke şertanê giranan de xover dano, ANFyî rê qisey kerd.

Mexdûranê erdlerzî ra Mehmet Alî Gumuşî ard ziwan ke di hewteyî yo ceyran û awe înan çîn ê û vat:  ''Xeyrê xeymanê ke Amedî ra ameyî ma cayêmendişî peyda kerd. Tîya nê şaredarî est a, ne yewna çîn. Ma adir tafînenê ke xo germin bikerê.''

Nazane Yuce zî vîst vîrî ke seba ke dest nîyayo hetkarî ser, nêresayo înan û vat: ''Rixmo ke 15 rojî ravêrtî hema zî xeymî nêresayî ma. Ne xeyme ne zî awa ma est a.''

Faris Beyazgulo ke cinî û lajê ci birîndar ê, ard ziwan ke seba ke xeymî nêresayê înan, tengayî ancenê û vat:  ''Ma 21 kesî pîya  bi qican û torunan naylon serî de ronişenê. Ma şewe serdî ra misyel benê.''