Şaredarîya Şemrexî amadekarîyanê seba awankerdişê fabrîkaya tesktîlî kena.. Wina pawîyeno ke fabrîka teşrîna verêne de do bêra akerdene û 350 kesî tede bieşkê bixebitê.

Şaredarîye pare kerd ke fabrîka do 10.500 donimî ser de biba û tede 216 makînayî est bê. Hemşaredaranê Şemrexî Kudret Uçuk û Hamdîn Demîrî ard ziwan ke fabrîka seba cinî û ciwanan îmkanê karî biaferna. 

Hetê bînî ra Merkezê Perwerdeyê Şarî yê Şemrexî û Tekstîlê Panda perwerde danê karkeranê fabrîka. 

Şaredarîya seba projeyê dewe kooperatîfê cinîyan zî fon kerd. Çarçewa 'Projeyê Hemkarîya Bi Tesîrî ya Seba Polîtîkayanê Herême' yê Yewîya Ewropa de pereyê qasê 300 hezar EURO do bêro dayene. Eke proje bêro qebulkerdene Kooperatîfê Zîretî yê Toprakî 40 cinîyan do îstîhdam bikero û seba domanan kreşê beleşî abikero.