Netîceya weçînayîşanê 31ê adare de namzedê DEM Partî Mehmet Siddil Akiş bibi hemşaredarê Colemêrgî. Akiş serê sibayî Wan de ame destbendkerdene. Dima şaredarîye gêrîyaye binê ablûqa.

Wezîrîya Karanê Zereyî pare kerd ke Şaredarîya Colemêrgî ya DEM Partî rê qeyûm ameyo tayînkerdene. Wezîrîye vat ke bi îdîayanê 'endamî, propaganda û îdarekarîya rêxistine' derheqê Akişî de dosyayê dewa est ê.

Derheqê Akişî de bi îdîaya 'endamîya rêxistine' tehqîqatêko newe zî ame akerdene.

Walîyê Colemêrgî Alî Çelîk sey qeyûmî ame tayînkerdene.

Avûkatê Akişî Azad Onerî derheqê rewşa muwekîlê xo de dozgerîye de qisey kerd û dima Ajansê Mezopotamya rê nê agahîyî dayî: ''Dosya ser o bira nimitişî est a. Tehqîqat 'bi hawayêkê nimiteyî' yeno kerdene. Eşkera yo dozgerîye û hêzanê asayîşî pîya dosya amade kerda. Muwekîlê ma ho yeno ardene bi Colemêrgî. Ma do eşkerayîye mîyanê roje de bidê.''