Qezaya Depî ya Xarpêtî de nuşteyê hîşyarkerdişî yê trafîkî "Pêşî Peya" û ''Hêdî''  yê ke hetê şaredarîya DEM Partî ra amebî nuştene, 22ê êlule de hetê kesanê ke nasnameyê înan nîno zanayene ra amebî esteritene.

Hemşaredarê DEMî û Wekîlê DEM Partî yê Çewlîgî Omer Faruk Hulaku zî tede heyetêk hema ke 24 saetî serê esteritişî ra nêşîyî, nuşteyêkê ameyî esteritene newera nuştî.

Wekîlê DEM Partî yê Çewlîgî Omer Faruk Hulakuyî ke verê şaredarîye de eşkerayîya kilme daye, vat: ''Kurdkî ziwano tewr qedîm a na herre ya, nîna esteritene û çînkerdene. Dep de nuşteyê  ke ameyî esteritene ma newera nuştî. Estbîyayîşê kurdkî do bi xoverdayîşê bianorî yê şarê ma ciwîyayîşî rê dewam bikero. Vera her cehdkerdişê hêrişê vera kurdkî ma do dahîna zaf wayîrê ziwanê xo bivejîyê.''

Bi talîmatê Wezîrîya Karanê Zereyî yê Tirkî bajaranê sey Wan, Amed, Mêrdîn û Êlih de nuşteyê hîşyarkerdişî yê kurdkî ameybî esteritene..