Şaredarîya Parisî: Ma hetê kurdan de yê
Şaredarîya Parisî hêrişê vera gorê hunermendê kurdî Ahmet Kayayî şermezar kerd û vat: ''Ma hetê kurdan de yê.''
13ê teşrîna peyêne de goristanê Pêre-Lachaise yê Parisî de vera gorê hunermendê kurdî Ahmet Kayayî hêriş amebi kerdene.
Hetkarê Şaredarîya Parisî Paul Simondonî hesabê xo yê twitterî ra mesajêk weşana û hêriş şermezar kerd.
La tombe d’Ahmet Kaya, grand chanteur populaire kurde disparu il y a 21 ans, a été dégradée hier samedi 13 novembre au cimetière du Père-Lachaise.
— Paul Simondon (@PaulSimondon) November 14, 2021
La Ville de Paris se tient aux côtés de sa famille et de tous les Kurdes pour dénoncer ce vandalisme motivé par la haine. pic.twitter.com/aqjzHjZhnu
Simondonî vat: ''13ê teşrîna peyêne de roja şemeyî goristanê Pêre-Lachaise de vera gorê Ahmet Kayayî hêriş ame kerdene. Şaristanê Parisî semedo ke nê vandalîzmê kîn û nefretî şermezar bikera hetê kurdan de û keyeyê Kayayî de ya.''
Mes pensées vont aux proches d’Ahmet Kaya, chanteur et militant des droits humains, exilé à Paris en raison de ses engagements, et à nos amis Kurdes. S’attaquer à une sépulture est intolérable. https://t.co/UDLyWN6QEJ
— Alexandra Cordebard (@ACORDEBARD) November 14, 2021
Şaredara Parisî Alexandra Cordebar zî vat: ''Ahmet Kaya deyîrbazêk û pawitoxêkê heqanê merdiman bi. Ma hetê kurdan de yê. Hêrişê vera gorî nêno qebulkerdene.''
Ahmet Kaya 16ê teşrîna peyêne ya 2000î de krîzê qelbî ra dinyaya xo bedilnabî û no hêrişê nêzdîyê serrgêra mergê ci de amebi kerdene.
