Seba ke Polîsê Asayîşî yê Swêdî  (SÄPO) vera kurdan zextê xo zêdînayo û kurdan bi hemkarîya Tirkîya teslîmê MÎTî keno nêrazîbîyayîşî zêdîyenê.

Partîya Çepa ke vera tebersînorkerdişê cinîya wayîra di domanan Zozane Buyuk nêrazîbîyayîş ramojna zetxê vera kurdan kirişt rejdemê meclîsî. Eynî wextî de Endamê Partîya Çepe ke şaredarîyan de gureyene semedê paştdayîşê Zozane Buyuk û PKK lîsteya terorî bêro vetene kampanya daye destpêkerdene. Vîdeyo ke ameyî antene pelê înternetî yê Partîya Çepe yê Orebro de ameyî parekerdene.

Endama Meclîsê Şaredarîye yê Uppsala Hanna Victoria Morck vat: ''Tebersînorkerdişê cinîya wayîra di domanan nîno qebulkerdene. Merdimî ganî rîyê qoqê xo ra merê krîmînalîzekerdene.''

 Sereka Grûba Partîya Çepe ya Şaredarîya Helsingborgî Jenny Bjorklund Hansson vat: Ma sey Partîya Çepe krîmînalîzkerdişê vera kurdan rêxisitna înan  protesto kenê.

 Endamê Meclîsê Şaredarîye yê UppsalaTobias Smedbergî vat:  ''Heqê xopawitişî yê Zozane destê ci ra yeno girewtene.  Swêd û Ewropa de kurdî û rêxistina înan bîlasebeb yenê sûcdarkerdene.  Ma paştî danê Zozane û kurdanê bînan. Swêd ganî nê kerdişanê xo ra bişarmîyo. Ganî PKK lîsteya terorî bêro vetene.''

Sereka Grûba Partîya Çepe ya Şaredarîya Orebro Martha Wicklund vat: ''Sey Zozane xeylêk roşnvîrê kurdan raştê na neheqîye ameyî. No nîno qebulkerdene. Ez krîmînalîzêkerdişê kurdan û rêxistina înan qebul nêkena. Kurdî terorîst nîyê.''